Fréttir

Cougars U13 í Svíþjóð

Nú um helgina er U13 lið frá Skautafélagi Akureyrar og Birninum á íshokkí móti í Farsta Ishall sem er suður af Stokkhólm. Fjögur lönd keppa á þessu móti, Ísland, Svíþjóð, Noregur og Finland.

Íshokkí á næstunni

Hertz deild karla og kvenna er lokið þetta starfsárið en annað íshokkí heldur áfram. Næstu daga eru leikir í 3. flokk, 5.6 og 7. flokkur með mót í Skautahöllinni Laugardal og A-landslið karla fer til Rúmeníu á heimsmeistaramót.

UMFK Esja Íslandsmeistari 2017

Þriðji leikur í úrslitum í Hertz-deild karla

SA Víkingar og UMFK Esja áttust við í gærkvöldi í öðrum leik liðanna í úrslitum karla í Hertz-deild karla. Leikurinn átti sér stað í Skautahöllinni á Akureyri fyrir fullu húsi aðdáenda. Esju­menn lögðu SA Víkinga 3:2 í leikn­um og geta klárað ein­vígið á laug­ar­dag með sigri og orðið Íslands­meist­ar­ar í fyrsta skipti.

Annar leikur í úrslitum í Hertz-deild karla

Úrslitakeppni meistaraflokks karla heldur áfram í kvöld, fimmtudaginn 23. mars í Skautahöllinni á Akureyri og hefst leikur klukkan 19:30. Um er að ræða leik númer tvö í úrslitakeppninni þar sem SA Víkingar taka á móti UMFK Esju. Fyrsta leik í úrslitakeppni lauk með sigri Esju. Spilaðir verða 5 leikir á níu dögum ef til þess þarf og það lið sem vinnur fyrst þrjá leiki hampar íslandsmeistaratitlinum.

Esja 4 - SA 3, fyrsti leikur í úrslitum

UMFK Esja tók á móti Skauta­fé­lagi Ak­ur­eyr­ar í Laug­ar­dal í gærkvöldi í fyrsta leik liðanna í úr­slit­um Hertz-deild­ar karla í ís­hokkí. Leikurinn var stórskemmtilegur og hraður, Esja komst í 3:0 fyr­ir síðasta leik­hlut­ann, en þar skoraði SA þrjú mörk og jafnaði leik­inn. Björn Ró­bert Sig­urðar­son skoraði sig­ur­mark Esju eftir tæpar 3 mínútur voru liðnar í framlengingu. Mjög margir komu í Skautahöllina í Laugardal, stúkan var nánast full og frábær leikur Esju og SA. Næsti leikur í úrslitum er í Skautahöllinni á Akureyri, kl 19:30 á fimmtudaginn kemur. Nú er um að gera að fylgjast með, skella sér í höllina og hvetja sitt lið áfram. Þeir sem verða fjarri góðum leik, geta fylgst með í beinni útsendingu á www.oz.com/ihi

U18 - mikilvægur dagur framundan

Mikill hokkídagur framundan í Belgrade, Serbíu. Staðan mögnuð og spennan mikil. Astralía, Spánn, Serbía og Holland eru öll með 9 stig fyrir daginn í dag, Belgia og Ísland reka lestina og eiga þessi tvö síðast nefndu leik núna kl 16:30 í dag og er því einn mikilvægasti leikur Íslands í mótinu. Með sigri í þessum leik halda drengirnir sér í núverandi styrkleikaflokki.

Ynjur Íslandsmeistarar 2017

Ynjur tryggðu sér Íslandsmeistaratitilinn í kvöld með 4 – 1 sigri á Ásynjum í fjörugum leik. Sem fyrr var allt í járnum á milli liðanna framan af og fóru Ásynjur betur af stað en þrátt fyrir það voru það Ynjur sem skoruðu fyrsta mark leiksins og það eina í 1. lotu. Í 2. leikhluta jöfnuðu Ásynjur metin en Ynjur náðu aftur forystunni skammt fyrir lok lotunnar. Í 3. lotu réðu svo Ynjur lögum og lofum á ísnum og bættu við tveimur mörkum og tryggðu sér verðskuldaðan 4 – 1 sigur.

Úrslitakeppni karla

Úrslitakeppni meistaraflokk karla hefst í kvöld, þriðjudaginn 21. mars í Skautahöllinni í Laugardal og byrjar leikur klukkan 19:30. Spilaðir verða 5 leikir á níu dögum ef til þess þarf og það lið sem vinnur fyrst þrjá leiki hampar íslandsmeistaratitlinum.

Ásynjur jöfnuðu metin gegn Ynjum í kvöld

Í kvöld fór fram 2. leikur í úrslitum í kvennaflokki og að þessu sinnu unnu Ásynjur og jöfnuðu þar með úrslitaeinvígið eftir að Ynjur unnu fyrsta leikinn á laugardaginn síðasta. Leikurinn var gríðarlega spennandi frá upphafi til enda og leikurinn allur miklu harðari en fyrsti leikurinn. Ásynjur mættu ákveðnar til leiks og fóru mikinn í upphafi og skoruðu fyrsta mark leiksins. Ynjurnar svöruðu hins vegar með þremur mörkum fyrir lok lotunnar og allt virst stefna í sömu átt og í fyrsta leiknum.