2026 U18 ára landslið pilta
Á árinu 2026 leikur U18 ára landslið Íslands í heimsmeistarakeppni IIHF 3. deild B sem leikin verður í Sarajevó, Bosníu Herzegóvinu, 13. til 19. febrúar 2026.
Fararstjóri liðsins verður Sigurður Sveinn Sigurðson
Aðal þjálfari Gauti Þormóðsson
Aðstoðar þjálfarar Gunnlaugur Thoroddsen og Hákon Marteinn Magnússon
Heilbrigðisstarfsmaður Jóhann Páll Jónsson
Tækjastjóri Ingi Snorri Bjarkason
Ferðatilhögun er sem hér segir. Ferðalagið hefst 11. febrúar. Þetta er nokkuð langt og strangt ferðalag þar sem þarf að taka 3 flug til að komast á leiðarenda.
Flogið verður í gegnum Frankfurt, þaðan til Zagreb í Króatíu og svo frá Zagreb til Sarajevó. Á heimleiðinni er svo farið Zagreb, Amsterdam og svo áleiðis heim. Flugnúmer og upplýsingar hér fyrir neðan.
1 FI 520 11FEB KEFFRA 0725 1205 *1A/E*
2 OU 411 11FEB FRAZAG 1800 1920 *1A/E*
3 OU 342 11FEB ZAGSJJ 2200 2250 *1A/E*
4 OU 341 20FEB SJJZAG 0630 0720 *1A/E*
5 OU 450 20FEB ZAGAMS 0825 1030 *1A/E*
6 FI 501 20FEB AMSKEF 1255 1525
Liðin sem taka þátt í þessu móti eru þessi í styrkleikaröð. Ísland, Thaíland, Turkmenistan, Bosnía & Herzegóvína, Suður Afríka og Luxemburg.
Leikið verður eftir nýju fyrirkomulagi sem IIHF er að taka upp og er þetta mót eitt af tilrauna mótum þar sem verið er að prófa þetta nýja kerfi. Kerfið er þannig uppbyggt að liðunum er raðað í tvo hópa A og B eftir ranking stöðu. Þannig að í A-hópi eru lið 1, 4 og 5, og í B-hópi eru lið 2, 3 og 6. Þá raðast þetta þannig að við sem erum no 1 í A hóp leikum fáum léttasta leikinn fyrst ef marka má ranking, og svo verða þeir erfiðari og erfiðari.
13. feb Luxemburg - Ísland
14. feb Ísland - Turkmenistan
15. feb frídagur
16. feb Ísland - Thaíland
17. feb frídagur.
18. feb Undan úrslit,
19. feb Úrslit
20. feb Heimferð.
Kostnaður og styrkir.
Áætlaður kostnaður hvers keppanda í þessu verkefni er 255.000,- sem þarf að standa skil á áður en lagt er upp í ferðalagið.
Afreksmiðstöð Íslands (AMÍ) gerir ráð fyrir því að greiddur verið út styrkur frá þeim til þess að mæta útgjöldum sem þátttakendur í ungmenna landsliðsverkefnum sambandsins leggja út persónulega á árinu 2026. Á þessu er þó sá fyrirvari að þetta verður ekki að fullu ljóst fyrr en fjárlög hafa verið samþykkt á Alþingi. Gangi þetta eftir má gera ráð fyrir að u.þ.b. 80 til 90 þúsund krónur fáist endurgreiddar á vormánuðum fyrir hvern keppanda. ÍHÍ annast umsóknarferlið og endurgreiðsluna líkt og var gert í vor og sumar. Verður það tilkynnt á heimasíðu sambandsins þegar ljóst verður hvernig þessu er háttað. Rétt er hér að árétta aftur að þetta er bundið fjárlögum og er ekki öruggt fyrr en fjárlög hafa verið samþykkt, án þess að niðurskurði verði beitt á fyrirhugað framlag til AMÍ.