2026 U18 ára landslið stúlkna

Uppfært 22. desember 2025

Vinsamlega athugið að allir sem þurfa að millilenda í Englandi verða að vera með svokallað ETA sem er í gildi. ETA er breska útgáfan af ESTA kerfinu í Bandaríkjunum. Það eru tvær leiðir til þess að sækja um ETA, Sú fyrri er að fara á þennan vef https://www.ukvisaportal.com/? 
Seinnileiðin er að hlaða niður Appi í símann og sækja um í því, sjá mynd.

Alþjóða íshokkísambandið IIHF hefur ákveðið að U18 kvenna, Division II, Group B verði leikin í Cape Town, Suður-Afríku, dagana 26. jan til 1. febrúar 2026.

Ferðatilhögun er sem hér segir. Ferðalagið hefst 23. janúar.

Flogið verður í gegnum London með Brittish Airways beint niður á Cape Town. Flugnúmer og tímasetningar eru hér.

1 BA 895 G 23JAN KEFLHR 1150 1500
2 BA 043 G 23JAN LHRCPT 1825 0805+1
3 BA 058 G 02FEB CPTLHR 1855 0455+1
4 BA 894 G 03FEB LHRKEF 0735 105

Lent verður í Cape Town klukkan 08:00 að morgni 24. janúar 2025. Þetta er tæplega 12 klukkustunda flug beint í Suður.
Ferðin heim verður með sama hætti í gegnum London og verður lagt í hann frá Cape Town síðdegis 2. febrúar, komið til London klukkan að verða 5 að morgni 3. feb. og svo morgunflug heim til Íslands. Áætlaður komutími til Íslands er rétt að verða 11 að morgni.

Skautasvellið sem leikið verður á er í spilavíti í borginni og heitir
Ice Station, Grand West Casino
1 Jakes Gerwel Drive,
Goodwood,
Cape Town,
South Africa

Staðfest hótel sem liðið dvelur á er
Capetonian Hotel Cape Town
Pier Place,
Heerengracht Street,
Foreshore,
Cape Town
Fyrir foreldra sem hyggja á ferð niðureftir er rétt að benda á að þetta er svokallað Halal-hótel. Sem þýðir að áfengi er ekki hægt að fá á þar.

Fararstjórn fyrir liðið er eftirfarandi.

Steinunn Erla Sigurgeirsdóttir, fararstjóri
Kim McCullough, aðalþjálfari
Silvía Björgvinsdóttir, aðstoðarþjálfari
Teresa Snorradóttir, aðstoðarþjálfari
Erla Jóhannesdóttir, tækjastjóri
Ragnhildur Kjartansdóttir, bráðaliði, heilbrigðisteymi
Viðar Garðarsson

Kostnaður og styrkir. 
Áætlaður kostnaður hvers keppanda í þessu verkefni er 269.000,- sem þarf að standa skil á áður en lagt er upp í ferðalagið.

Afreksmiðstöð Íslands (AMÍ) gerir ráð fyrir því að greiddur verið út styrkur frá þeim til þess að mæta útgjöldum sem þátttakendur í ungmenna landsliðsverkefnum sambandsins leggja út persónulega á árinu 2026. Á þessu er þó sá fyrirvari að þetta verður ekki að fullu ljóst fyrr en fjárlög hafa verið samþykkt á Alþingi. Gangi þetta eftir má gera ráð fyrir að u.þ.b. 80 til 100 þúsund krónur fáist endurgreiddar á vormánuðum fyrir hvern keppanda. ÍHÍ annast umsóknarferlið og endurgreiðsluna líkt og var gert í vor og sumar. Verður það tilkynnt á heimasíðu sambandsins þegar ljóst verður hvernig þessu er háttað. Rétt er hér að árétta aftur að þetta er bundið fjárlögum og er ekki öruggt fyrr en fjárlög hafa verið samþykkt, án þess að niðurskurði verði beitt á fyrirhugað framlag til AMÍ.

Nokkur atriði sem mikilvægt er að hafa í huga fyrir bæði leikmenn og forráðamenn þeirra sem eru yngri en 18 ára. 

• Vegabréf: Vinsamlega athugið að vegabréfið verður að eiga a.m.k. 6 mánuði eftir af gildistíma sínum á heimkomudegi eftir að ferð líkur. Þeir sem eru að fara í sína fyrstu ferð þurfa að senda mynd af aðalsíðu vegabréfs til skrifstofu ÍHÍ á netfangið vidarg@ihi.is. 
• Tryggingar: ÍHÍ er með alla leikmenn og starfsmenn landsliða tryggða hjá VÍS á meðan á keppni og æfingum stendur. Þetta er grunn slysa- og sjúkratrygging. Bæði leikmenn og starfsmenn eru hvattir til að kanna persónulegar tryggingar sínar þar sem ekki er um hefðbundna ferðatryggingu að ræða. Þegar um ferðalög innan Evrópu er að ræða eru allir hvattir til þess að verða sér út um Evrópska sjúkratryggingakortið. Það veitir rétt til heilbrigðisþjónustu í öðrum EES-löndum, auk Bretlandi og Sviss. Korthafi greiðir sama gjald fyrir heilbrigðisþjónustuna og íbúar landsins. Rétt er að benda á að kortið gildir einungis fyrir þjónustu sem er innan opinbera sjúkratryggingakerfis þar sem hún er veitt.
  Slóð á kortið er hér https://island.is/evropska-sjukratryggingakortid
• Búnaður: Rétt er að minna hér á að allur útbúnaður annar en keppnisbúningar eru á ábyrgð leikmanna, Allar tilskyldar hlífar, hjálmar, kylfur, skautar, hálshlífar o.s.frv. Við hér á Íslandi förum eftir reglum IIHF og því á að vera þekkt hverjar kröfurnar eru. Hjálmar þurfa að vera hvítir, rétt er hér að benda á að nokkuð er um að hjálmar gangi í láni á milli aðila innan sama aðildarfélags. Það er um að gera að kanna með slíkt í tíma. Ef spurningar vakna vinsamlega hafið samband við tækjastjóra viðkomandi ferðar. 
• Lyfjanotkun og undanþágur: Ef leikmenn nota lyf að staðaldri þarf að hafa samband við lyfjaeftirlit Íslands. Á vefsíðu lyfjaeftirlitsins er bæði hægt að skoða bannlistann og einnig er hægt að sækja um undanþágu. Rétt er að setja svona vinnu í gang sem fyrst því ef lyf sem einstaklingur tekur er á bannlista getur hann ekki tekið þátt nema hafa undanþágu frá Lyfjaeftirliti. Því er rétt að ítreka þetta fyrir alla sem enn eru í æfingahóp að setja þessa vinnslu strax í gang því þetta tekur nokkurn tíma.
  Vefur Lyfjaeftirlitsins https://www.antidoping.is/
• Samþykkisyfirlýsing vegna ferðalaga einstaklinga undir 18 ára aldri.
  Þegar barn undir 18 ára aldri ferðast milli landa án fylgdar beggja forsjáraðila geta landamærayfirvöld krafist sönnunar þess að barnið hafi leyfi þeirra til að ferðast.
  Annars getur barnið átt hættu á að tefjast eða vera synjað um komu eða brottför.
  Auk vegabréfs eða annarra ferðaskilríkja er því mælt með að barnið eða fylgdaraðilar þess hafi meðferðis gögn sem sanna samþykki forsjáraðila fyrir ferðalaginu.
  Því þarf að fylla út og senda á fararstjóra eða á skrifstofu ÍHÍ svokallaða Samþykkisyfirlýsingu fyrir alla sem ekki eru orðnir 18 ára. Eyðublað má finna á island.is/utanlandsferdir-barna/
• ÍHÍ útvegar landsliðshópum sínum ferðafatnað. Hann getur verið mismunandi eftir hvert er farið og á hvaða árstíma. Í ákveðnum tilfellum, sérstaklega þegar um dýrar yfirhafnir er að ræða er fatnaðurinn lánaður og er mikilvægt að sá hluti skili sér til sambandsins aftur. Meginreglan sem unnið er með í dag er að einstaklingar eiga fatnaðinn sem þeim er útvegaður. Sem stendur er Íshokkísambandið með samning við JAKO og kemur fatnaðurinn þaðan. Þessi fatnaður er merktur og ef afhentur stuttu fyrir hverja ferð. Gott er ef leikmenn þekkja hvaða stærð þeir nota af fatnaði frá JAKO og láti þeir tækjastjóra ferðar vita. 
• Hver leikmaður er skráður með eina hokkítösku í ferðalagið. Hokkítaska má vera mest 23 kg: inn í því er hokkígalli, treyjur, cover, sokkar, snyrtitaska, upphitunarföt, innanundir hokkí föt, vítamín/prótein og annar persónulegur fatnaður/búnaður. Sambandið kaupir aukalega töskur undir kylfur leikmanna og útbúnað líkt og skerpingarvél og verkfæri sem liðinu fylgja. Að auki er heimilt að vera með  allt að 10 kg í handfarangri.
  
  

Meira síðar