Fréttir

Að mótslokum

Nú eru örfáir dagar síðan heimsmeistaramóti karla annarri deild A lauk hér í Laugardalnum. Karla liðið okkar náði besta árangri sem það hefur nokkurntíma náð og tók eitt enn skrefið upp á við á heims-styrkleikalistanum.

Hokkítímabilið

Nú fer hokkítímabilinu að ljúka þetta árið Þó eru enn tvö helgarmót eftir og fara þau fram um næstu helgi.

Ósigur í síðasta leik mótsins gegn Króatíu, 1 - 5.

Í kvöld lauk 2. deild heimsmeistaramótsins í íshokkí með úrslitaleik á milli Íslands og Króatíu um 3. sætið. Vitað var fyrir að Króatía yrði erfiður andstæðingur og svo fór að gestirnir unnu með 5 mörkum gegn 1. Íslenska liðið átti strax undir högg að sækja í upphafi leiks en vörðust mjög vel og náðu að halda öflugum sóknum Króatanna í skefjun. Króatar skoruðu eitt mark í fyrstu lotu en skutu alls 24 sinnum á markið á meðan okkar menn náðu aðeins 3 skotum. Dennis stóð sig vel í markinu og bjargaði því að ekki fór verr í þessari miklu skothríð.

MIÐVIKUDAGURINN 17.04 - LEIKIR DAGSINS

Nú klukkan 13.00 hefst fimmti og síðasti keppnisdagur á HM hér í Skautahöllinni í Laugardal.

Ósigur gegn Spáni, Ísland 0 - Spánn 4.

Í kvöld mætti íslenska liðið því spænska í 4. leik liðsins á Heimsmeistaramótinu. Væntingar stóðu til sigurs í kvöld en því miður gekk hvorki né rak og Spánn bar sigur úr býtum með 4 mörkum gegn engu. Spænska liðið skoraði tvö mörk í fyrstu lotu, fyrra markið á 6. mínútu þegar jafnt var í liðum og seinna markið á 14. mínútu þegar einn íslensku leikmannanna var að taka út refsingu.

ÞRIÐJUDAGURINN 17.04 - LEIKIR DAGSINS

Nú klukkan 13.00 hefst fjórði keppnisdagur á HM hér í Skautahöllinni í Laugardal.

Ósigur gegn Eistum, Ísland 2 - Eistland 7.

Í kvöld var komið að þriðju viðureign íslenska liðsins á HM í íshokkí sem fram fer í Laugadalnum. Að þessu sinni voru mótherjarnir Eistar, en þeir voru „rankaðir“ efstir fyrir þetta mót, en þeir voru að koma niður úr 1. deild eftir stutt stopp þar. Ísland spilaði síðast við þá þegar þeir unnu 2. deildina á sínum heimavelli í Narva árið 2010.

SUNNUDAGURINN 15.04 - LEIKIR DAGSINS

Nú klukkan 13.00 hefst þriðji keppnisdagur á HM hér í Skautahöllinni í Laugardal.

Myndir frá mótinu á vef Alþjóða Íshokkísambandsins

Kristján Maack er með myndavélina á lofti á mótinu og tekur magnaðar myndir af öllum leikjum. Sérstakur myndavefur er á heimasíðu IIHF og hann má sjá hér http://www.iihf.com/channels1112/wm-iia/pictures.html

Ísland lagði Serbíu að velli 5 - 3 í fjörugum leik.

Leikurinn fór ekki vel af stað fyrir íslenska liðið en nokkur skrekkur var í liðinu á fyrstu mínútum og það var þó nokkuð kjaftshögg að fá á sig mark strax eftir tvær mínútur. Það var svo gegn gangi leiksins að Serbarnir komust í 2 – 0 á 7. mínútu, en það kom eftir tapað uppkast í varnarsvæðinu og Serbarnir skoruðu með föstu skoti utan af velli. Ekki góð byrjun og spjótin beindust að Dennis Hedström í markinu.