Fréttir

Vladimir Kolek og Jussi Sipponen landsliðsþjálfarar karla í íshokkí hafa valið æfingahópinn sem mun koma saman á landsliðsæfingu 7. og 8. desember næstkomandi í Skautahöllinni í Laugardal. Landslið Íslands mun taka þátt í 2019 IIHF World Championship Div II B, 21. - 27. apríl 2019.

Landsliðsæfingahópur U20 hefur verið valinn og æfing verður næstkomandi helgi, 9. til 11. nóvember. Landsliðsæfingin verður haldin á Skautasvellinu Egilshöll og hefst hún föstudagskvöldið kl 18:00.

Íslandsmót Íshokkísambands Íslands U14 (4.fl) verður helgina 10. og 11. nóvember í Skautahöllinni á Akureyri. Í heildina mun fimm lið taka þátt, þrjú lið í A hóp og tvö lið í B hóp.

Fyrsti leikur í Hertz-deild kvenna í íshokkí fór fram í gær í Laugardalnum þegar áttust við lið Reykjavíkur og Skautafélags Akureyrar. Leikurinn var hinn skemmtilegasti og mikil barátta átti sér stað af hálfu beggja liða en honum lauk með sigri Skautafélags Akureyar sem skoruðu 6 mörk á móti 2 mörkum liði Reykjavíkur.

Íshokkísamband Íslands hefur gengið frá samkomulagi við Jouni Sinikorpi um aðstoðarþjálfarastöðu kvennalandsliðsins. Aðalþjálfari landslið kvenna er Jón Benedikt Gíslason hjá Skautafélagi Akureyrar og munu þeir félagar stýra landsliðinu í vetur og stefna á heimsmeistaramótið sem haldið verður í Brasov, Rúmeníu 1. til 7. apríl 2019. Mótherjar Íslands verða Nýja Sjáland, Taiwan, Króatía, Rúmenía og Tyrkland.

Landsliðsæfingahópur kvenna hefur verið valinn og landsliðæfing verður á Akureyri um næstu helgi eða 26. - 28. október. Mæting er í Skautahöllina á Akureyri föstudaginn 26. október kl 19:30.

Hertz-deild kvenna hefst í kvöld og er það sameinað meistaraflokkslið Skautafélags Reykjavíkur og Bjarnarins sem tekur á móti SA Ásynjum. Hefst leikur kl 19:45 og streymt verður beint frá Skautahöllinni í Laugardal.

Skautafélag Akureyrar hefur óskað eftir félagaskiptum fyrir Jordan Steger frá Belgíu og Markus Laine frá Finlandi. Skautafélag Reykjavíkur hefur óskað eftir félagaskiptum fyrir Richard Kovarik frá Tékklandi.

SA Víkingar eru komnir til Riga og taka þátt í annarri umferð í Evrópukeppni félagsliða, eða Continental Cup. Fyrsti leikur SA Víkinga er á föstudaginn 19. október. Mótherji Kurbads Riga Annar leikur SA Víkinga er á laugardaginn 20. október. Mótherji HC Donbass Þriðji leikur SA Víkinga er á sunnudaginn 21. október . Mótherji Txuri Urdin San Sebastian