Fréttir

Björninn bar í gærkvöld sigurorð af Skautafélagi Reykjavíkur með átján mörkum gegn þremur í meistaraflokki kvenna en leikurinn fór fram í Laugardalnum. Margir leikmannanna, rétt einsog í hinum kvennaleiknum sem fór fram í gærkvöldi, mættu ferskir eftir góða helgi við landsliðsæfingar á Akureyri.

Leikir kvöldsins að þessu sinni eru tveir og báðir í kvennaflokki en spilað verður á Akureyri og í Reykjavík.

Íslenska karlalandsliðið tók þátt í undankeppni Ólympíuleikanna í fyrsta skipti um liðna helgi en keppnin fór fram í Valdemoro á Spáni.

Íslenska karlalandsliðið í íshokkí hélt í gærmorgun til Valdemoro á Spáni þar sem liðið mun taka þátt í undankeppni fyrir vetrarólympíuleikana sem fara fram í Pyeongchang í Suður-Kóreu 2018. Þetta er í fyrsta skipti sem íslenskt landslið í íshokkí tekur þátt í undankeppni Ólympíuleika.

Það skemmir ekki fyrir að skila og kunna reglurnar í leiknum. Alþjóða íshokkísambandið hefur sett á Youtube myndband sem leikmenn jafnt sem aðrir áhugasamir geta skoðað.

SA Ynjur og Björninn mættust í kvennaflokki síðastliðinn laugardag. Leiknum lauk með sigri Ynja sem gerðu átta mörk án þess að Bjarnarkonur næðu að svara fyrir sig.

SA Víkingar báru sigurorð af UMFK Esju með þremur mörkum gegn einu á laugardagskvöldið. Með sigrinum nálgast Víkingar toppinn en tveimur stigum munar nú á þeim og Esju sem er í toppsætinu en bættu einnig við þremur stigum í forskotið sem þeir höfðu á Björninn.

Skautafélag Reykjavíkur bar sigurorð af Birnunum með sex mörkum gegn fimm þegar liðin mættust í Laugardalnum sl. föstudagskvöld. Með sigrinum nálgast SR-ingar Björninn, sem er í þriðja sæti, en nú munar tveimur stigum á liðunum.