Fréttir

Landsliðsæfing 1.-3. desember 2017

Vladimir Kolek og Jussi Sipponen hafa valið landsliðs-æfingahóp fyrir landsliðsæfinguna 1.-3. desember næstkomandi Landsliðsæfingin verður í Egilshöll. Nánari dagskrá send út síðar, en fyrsti fundur verður kl 18:00, föstudaginn 1. desember.

Íshokkíhelgi 10.-12. nóvember

Næstkomandi helgi er stór íshokkíhelgi. Tveir leikir í Hertz-deild karla, einn leikur í Hertz-deild kvenna, einn 3.fl leikur og svo stórskemmtilegt 4.fl. mót á Akureyri.

Landsliðsæfingahópur í íshokkí - U20

Landsliðsæfingahópur U20 hefur verið valinn. Landsliðsæfing verður haldin 8. 9. og 10. desember og verður æfingin í Skautahöllinni á Akureyri.

Félagaskipti

Síðasti dagur fyrir erlend félagaskipti voru 31. október síðastliðinn. Þann dag bárust þrjár beiðnir um félagaskipti: Andrej Mrazik frá Slóvakíu og Daniel Triesler frá Bandaríkjum til Umfk Esju, og svo Timothy Noting frá Svíþjóð til Skautafélags Akureyrar. Félagaskiptagjöld hafa verið greidd og erlendu sérsamböndin hafa staðfest. Eru því ofangreindu leikmenn löglegir í næstu leiki Hertz-deildar karla á Íslandi.

Nýir leikmenn SR

Skautafélag Reykjavíkur hefur óskað eftir félagsskiptum fyrir tvo leikmenn. Patrik Löbl og Daniel Vlach, báðir frá Tékklandi. Félagaskiptagjald hefur verið greitt, erlenda sambandið hefur samþykkt félagaskipti og eru því leikmenn löglegir.

Æfingabúðir kvennalandsliðs desember 2017

Næstu æfingabúðir kvennalandsliðsins verða á Akureyri í desember. Jenny Potter hefur sett saman lista af leikmönnum sem boðin er þátttaka, alls eru þetta 27 leikmenn en 20+2 leikmenn halda svo utan á heimsmeistaramótið á Spáni í mars næstkomandi.

Leikir kvöldsins, þriðjudagskvöld 24.október 2017

Í kvöld fara fram tveir leikir. Fyrri leikurinn hefst kl 19:30 og eru það Ynjur sem taka á móti Ásynjum í Skautahöllinni á Akureyri. Síðari leikurinn er 2.fl leikur, sem leikinn verður í Egilshöll, þar sem Björninn tekur á móti SR. Hefst sá leikur kl 19:45. Nú er um að gera að koma sér á leik, aðgangur ókeypis og tilvalið fyrir alla fjölskylduna.

Landsliðsæfing 13. - 15. október 2017

Landsliðsæfingar karla og U18 fara fram um helgina, 13. 15. október, í Egilshöll. Landsliðsæfing karla hefst kl 08:00 á föstudagsmorgun. Landsliðsæfing U18 hefst kl 18:00 á föstudagskvöldi.

SA Greifamótið 14. og 15. október 2017

5.6. og 7. flokks mót í íshokkí verður um helgina í Skautahöllilnni á Akureyri. Um 160 börn munu taka þátt. Mótið hefst laugardaginn 14. október kl 08:00 og lýkur svo um hádegisbil á sunnudag. Mikið líf og fjör verður því á Akureyri um helgina og eigum við á stórskemmtilegri helgi.

Fréttir af kvennalandsliðinu

Kvennalandslið Íslands mun taka þátt á heimsmeistaramótinu í íshokkí sem fram fer í Valdemoro á Spáni dagana 17. - 23. mars á næsta ári. Auk Íslands taka þátt Spánn, Rúmenía, Tyrkland, Nýja Sjáland og Kínverska Tapei (Tævan).