Fréttir

Þrír íshokkíleikir eru um helgina. Föstudagskvöldið 5.janúar kl 19:45 í Skautahöllinni í Laugardal mun eigast við Umfk Esja og SR. Um er að ræða 31. leik í mótaröðinni í Hertz-deild karla. Facebook kynning, ýta hér. Laugardaginn 6. janúar mun svo Hertz-deild kvenna halda áfram þegar sameinað lið Bjarnarins og SR mætir SA-Ynjum í Skautahöllinni í Laugardal og hefst leikur kl 18:00. Facebook kynning, ýta hér. Á sama tíma fer fram í Egilshöll 3.fl leikur, Björninn - SA Jarlar.

Hertz-deild karla heldur áfram með leik Bjarnarins og Umfk Esju. Hefst leikur kl 19:45 í Egilshöll. Um er að ræða leik no 22 í mótaröðinni og er staðan í deildinni æsispennandi. Bæði lið eiga góða möguleika á að komast í úrslitakeppni og hver leikur dýrmætur. Fjölmennum í Egilshöll, sjoppan opin og fjölskylduvænn viðburður.

Hertz-deild karla heldur áfram með tveim leikjum um helgina, annar í Laugardalnum og hinn á Akureyri. Um að gera að mæta og horfa á frábæra leiki.

Robbie Sigurðsson hefur verið valinn íshokkímaður ársins 2017 af stjórn Íshokkísambands Íslands.

Eva María Karvelsdóttir var valin íshokkíkona ársins 2017 af stjórn Íshokkísambands Íslands. Eva María er vel að þessu komin enda frábær leikmaður í alla staði. Hún spilar með Ásynjum í Skautafélagi Akureyrar og hefur um árabil spilað með landsliði Íslands í íshokkí.

Jussi Sipponen og Alexander Medvedev hafa valið landslið U20 í íshokkí sem fer til Sofia í Búlgaríu 22.-28. janúar 2018. Landsliðsæfing verður helgina 5. 6. og 7. janúar 2018, dagskrá verður birt síðar.

Vladimir Kolek og Jussi Sipponen hafa valið landsliðs-æfingahóp fyrir landsliðsæfinguna 1.-3. desember næstkomandi Landsliðsæfingin verður í Egilshöll. Nánari dagskrá send út síðar, en fyrsti fundur verður kl 18:00, föstudaginn 1. desember.

Næstkomandi helgi er stór íshokkíhelgi. Tveir leikir í Hertz-deild karla, einn leikur í Hertz-deild kvenna, einn 3.fl leikur og svo stórskemmtilegt 4.fl. mót á Akureyri.

Landsliðsæfingahópur U20 hefur verið valinn. Landsliðsæfing verður haldin 8. 9. og 10. desember og verður æfingin í Skautahöllinni á Akureyri.

Síðasti dagur fyrir erlend félagaskipti voru 31. október síðastliðinn. Þann dag bárust þrjár beiðnir um félagaskipti: Andrej Mrazik frá Slóvakíu og Daniel Triesler frá Bandaríkjum til Umfk Esju, og svo Timothy Noting frá Svíþjóð til Skautafélags Akureyrar. Félagaskiptagjöld hafa verið greidd og erlendu sérsamböndin hafa staðfest. Eru því ofangreindu leikmenn löglegir í næstu leiki Hertz-deildar karla á Íslandi.