Fréttir

Í kvöld kl. 19:30 hefst úrslitkeppnin í kvennaflokki þar sem SA og Björninn munu takast á um hvort liðið hreppir Íslandsmeistaratitilinn 2016. Þessi sömu lið hafa mæst í úrslitum allar götur síðan árið 2000 og er þetta því í 17 skiptið sem keppt er um Íslandsmeistaratitilinn í kvennaflokki. SA tefldi fram tveimur liðum líkt og undanfarin ár og munu þau lið sameinast gegn Birninum í úrslitakeppninni.

Í kvöld kl.16:30 verður leikinn síðasti deildarleikur í Hertz-deild kvenna. SA-Ynjur taka á móti SR í Skautahöllinni á Akueyri. Rétt á eftir kvennaleiknum mætast stákarnir í öðrum flokki karla hjá SA og SR. Áhugafólk um íshokkí er hvatt til að skella sér í Skautahöllina og horfa á þessa bráðskemmtilegu leiki.

Deildarmeistarar síðasta tímabils, SR, fá til sín ríkjandi Íslandsmeistara, SA, í hörku leik í Hertz-deild karla í Laugardalnum kl.19:45 í kvöld! Ynjur fá SR í heimsókn laugardaginn og 2.flokkur SA tekur á móti SR síðar um það kvöld.

Í kvöld kl.19:45 mætast Björninn og Esja í sínum síðasta deildarleik í vetur. Björninn hefur verið í harðri baráttu um að ná Esju að stigum til að eiga möguleika á sæti í úrslitum. Esja hefur verið á mikilli siglingu og sótt hart að SA sem situr í toppsæti deildarinnar.

Um þessa helgi verður mikið um að vera í íslensku íshokkíi. Í Hertz-deild karla mætast SA og Esja fyrir norðan og Björninn fær SR í heimsókn. Í Hertz-deild kvenna mun SR taka á móti Ynjum frá Akureyri. Leikur í 3. flokki á milli SR og SA verður einnig á laugardaginn.

Spilaðir verða tveir leikir í Hertz-deild karla í íshokkí. Topplið deildarinnar, SA og Esja, mætast í Skautahöllinni á Akureyri kl.19:30 og Björninn tekur á móti SR í Egilshöll kl.19:45!

SA Víkingar unnu SR norður á Akureyri og UMFK Esja laut í lægra haldi fyrir Birninum í Laugardalnum.

Jussi Sipponen þjálfari kvennalandsliðs Íslands hefur valið liðið sem heldur til Jaca á Spáni í lok febrúar til þátttöku í 2. deild HM.

Ásynjur og Ynjur áttust við í hinum leiknum sem leikinn var í Hertz-deildinni sl. þriðjudag. Leiknum lauk með sigri Ásynja sem gerðu sex mörk gegn fimm mörkum Ynja en framlengingu og vítakeppni þurfti til að knýja fram úrslit.

Björninn og Skautafélag Reykjavíkur mættust í Hertz-deild kvenna sl. þriðjudag en leikurinn fór fram í Egilshöllinni. Leiknum lauk með sigri Bjarnarins sem gerði átta mörk án þess að SR-konur næðu að svara fyrir sig.