Fréttir

Framundan er íshokkíveisla þar sem heimsmeistaramót pilta U20 fer fram í Rogers Place í Edmonton Kanada. Mótið er á vegum Alþjóða Íshokkísambandsins (IIHF) og taka 10 þjóðir þátt í mótinu. Í A riðli eru Kanada, Finnland, Sviss, Slóvakía og Þýskaland Í B riðli eru Rússland, Svíþjóð, Bandaríkin, Tékkland og Austurríki. Mótið hefst 25. desember og lýkur með úrslitaleik 5. janúar 2021. Nánari upplýsingar um mótið og framvindu má finna á vef IIHF.

Skóla- og íþróttasvið allra sveitarfélaga á höfuðborgarsvæðinu hafa tekið þá ákvörðun að öll íþróttakennsla muni fara fram utandyra að teknu tilliti til ítrustu sóttvarna. Öll íþróttamannvirki og sundlaugar á vegum sveitarfélaganna verða lokuð í eina viku.

Ný úrslitaþjónusta ÍHÍ hefur verið sett upp. Á síðunni má finna helstu upplýsingar um Hertz deildirnar tvær og Íslandsmót U18. Helgi Páll Þórisson er hönnuður síðunnar og mun hann gera margvíslegar breytingar á þjónustunni í vetur.