Toppdeildarviðureign SA og SR er hundraðkrónuleikur
SA Víkingar spila í tilefni af Bleikum október, átakinu gegn krabbameinum hjá konum. Liðið, sem venjulega spilar í rauðu, mun klæðast sérhannaðri bleikri keppnistreyju með bleiku slaufuna yfir hjartanu.
Leikurinn er „Hundraðkrónuleikurinn“, að sænskri fyrirmynd („Enkronasmatchen“). Aðgangur kostar aðeins 100 kr. og gestum er frjálst að leggja meira af mörkum. Allur ágóði leiksins rennur óskiptur til Krabbameinsfélags Akureyrar og nágrennis (KAON) Söfnunarreikningur er 0162-05-261155 kt. 630295-2709
Pekkjakast
Í öðru leikhléi geta gestir keypt pökk og kastað honum út á svellið. Sá sem kemst næst miðpunktinum hlýtur bleika keppnistreyju SA Víkinga merkta fyrirliðanum, #10 Leifsson.
Happdrætti: Bleik „Legends“-treyja Söruh Smiley #9
Einnig verður dregin út bleik „legends“-treyja merkt Saruh Smiley #9. Sarah kom frá Kanada til Akureyrar árið 2006 og hefur verið einn af máttarstólpum íslensks íshokkís, sem leikmaður SA og kvennalandsliðsins, þjálfari landsliða kvenna og fyrsta konan til að þjálfa karlalið í íshokkí á Íslandi. Allir leikmenn SA Víkinga nema einn hafa æft undir hennar stjórn, og það sama á við um nokkra leikmenn SR.
Styrktaraðilar
Hundraðkrónuleikurinn er í boði Eltech ehf. og Múrey ehf., tveggja fyrirtækja á Akureyri sem gerðu leikinn mögulegan.
Á myndinni má sjá fyrirliða SA þá Jóhann Leifsson C (í miðju) Hafþór Sigrúnarson A (til vinstri) og Heiðar Jóhannsson A (til hægri) máta treyjurnar.