Staðan í úrslitaeinvíginu 1 - 1
25.04.2005
Á laugardagskvöldið mættust Skautafélag Akureyrar og Skautafélag Reykjavíkur í 2. leik úrslitakeppninnar í íshokkí í Skautahöllinni á Akureyri. Fyrsta leik liðanna lauk með sigri Skautafélags Reykjavíkur en nú var komið að Norðlendingum að jafna metin. Gestgjafarnir mættu miklu ákveðnari til leiks og tóku strax öll völd á vellinum og komust í 6 – 0 áður en gestirnir náðu að svara fyrir sig.
Leikurinn var engu að síður kaflaskiptur, loturnar fóru 4 – 0, 2 – 0 og 2 - 2. Skautafélag Reykjavíkur lék án tveggja af sínum sterkustu leikmönnum, þeim Gauta Þormóðssyni og Zdenek hinum tékkneska og reyndist það fullmikil blóðtaka fyrir liðið.
Staðan í einvíginu er þá 1 – 1 og allt í járnum. Næsti leikur fer fram á heimavelli Skautafélags Reykjavíkur í Laugadalnum á morgun kl. 20:00.
Leikurinn var engu að síður kaflaskiptur, loturnar fóru 4 – 0, 2 – 0 og 2 - 2. Skautafélag Reykjavíkur lék án tveggja af sínum sterkustu leikmönnum, þeim Gauta Þormóðssyni og Zdenek hinum tékkneska og reyndist það fullmikil blóðtaka fyrir liðið.
Staðan í einvíginu er þá 1 – 1 og allt í járnum. Næsti leikur fer fram á heimavelli Skautafélags Reykjavíkur í Laugadalnum á morgun kl. 20:00.