Mikið um að vera um þessar mundir

Það er mikið um að vera í íslensku hokkílífi þessa dagana.  Um helgina fer fram Landsbankamótið í Egilshöll en þar er um að ræða yngstu flokka 7., 6. og 5. flokk og þar munu verða spilaði fjölmargir leikir.  Dagskrámótsins má finna hér, á heimasíðu Bjarnarins sem heldur mótið.

 
En það eru ekki bara yngsta fólkið sem reimar á sig skautana um þessa helgi því nú eru tvö landsliðs stödd erlendis, þ.e. bæði karla og kvennalandsliðin.  Kvennaliðið er líkt og flestir vita í Rúmeníu og eiga frídag í dag laugardag en spila sinn síðasta leik á mótinu á morgun gegn Eistlandi.  Liðið hefur nú þegar spilað fjóra leiki, tapað þremur og unnið einn.  Sigur liðsins gegn Tyrkjum í gær var fyrsti sigur íslensks kvennalandsliðs og því þar um ákveðin tímamót að ræða.

 
Karlalandsliðið hélt utan í gærmorgun til Seuol í Suður Kóreu en ferðlagið er bæði langt og strangt.  Liðið leikur sinn fyrsta leik á mánudaginn og þá verður att kappi við Norður Kóreu.  Aðrir mótherjar liðsins eru Ástralía, Ísrael, S-Kórea og Mexíkó.  Líkt og með önnur mót þá verða daglegar fréttir af mótinu hér á síðunni sem og á link merktum liðinu hér til hliðar.

 
Það er því óhætt að segja mikið sé um að vera og ánægjulegt að sjá í hve miklum blóma hokkíið er um þessar mundir.