SA Víkingar deildarmeistarar 2021 í Hertz-deild karla
22.03.2021
Þórir Ö. Tryggvason tók myndina.
Skautafélag Akureyrar, SA Víkingar, eru deildarmeistarar karla 2021.
SA Víkingar tryggðu sér deildarbikarinn eftir öruggan sigur á SR um liðna helgi þegar liðin spiluðu tvo leiki í Skautahöllinni á Akureyri.
SA Víkingar hafa með því tryggt sér heimaleikjaréttinn í úrslitum um Íslandsmeistaratitilinn.
SA Víkingar hafa unnið níu af tíu leikjum sínum í Hertz-deildinni, Fjölnir er í öðru sæti og SR í þriðja.
Úrslitakeppnin hefst 20. apríl næstkomandi. SA Víkingar og Fjölnir munu mætast í úrslitum og er fyrirkomulagið best of five eða það lið sem fyrst vinnur þrjá leiki mun hampa Íslandsmeistaratitlinum.