Hvernig fáum við fleiri börn í íshokkí og hjálpum þeim að halda áfram?

06.11.2026
Hvernig fáum við fleiri börn í íshokkí og hjálpum þeim að halda áfram?

Miðvikudaginn 11. nóvember kl. 14.00 að íslenskum tíma fer fram annað vefnámskeið Alþjóðaíshokkísambandsins (IIHF) í námskeiðaröðinni Skills4All. Þar verður fjallað um hvernig við getum auðveldað börnum að taka fyrstu skrefin í íshokkí og skapað aðstæður sem hvetja þau til að halda áfram.

Íshokkísamband Íslands hvetur þjálfara, starfsfólk og sjálfboðaliða félaganna og alla sem koma að barna- og unglingastarfi til að taka þátt. Þegar börn fá að prófa íshokkí í umhverfi sem þau þekkja geta fleiri fjölskyldur kynnst íþróttinni, líka þær sem hafa aldrei áður komið nálægt íshokkíi.

Íshokkí verður hluti af skóladagnum

Peter Andrecs hjá ENZO og Florian Mühlstein hjá austurríska íshokkísambandinu kynna ENZO / PEER, verkefni þar sem íshokkífélög, leikskólar, skólar og svæðisbundin samtök vinna saman að því að kynna íþróttina fyrir ungum börnum. Börnin fá reglulega að fara á ís undir leiðsögn hæfra þjálfara. Þannig styður verkefnið við hreyfiþroska, félagsfærni og persónulegan þroska barnanna og getur lagt grunn að áframhaldandi þátttöku.

Í seinni hluta námskeiðsins kynnir Harald Springfeld, sviðsstjóri þróunar- og vaxtarsviðs IIHF, verkefni og stuðning sem landssambönd geta nýtt til að efla þróunarstarf sitt, fjölga iðkendum og byggja upp íþróttina til lengri tíma.

Við hér á Íslandi þekkjum auðvita að þetta er módelið á Akureyri, þar sem unnið hefur verið eftir þessari hugmyndafræði, en hér er örugglega eitthvað sem hægt er að tileinka sér. 

Svona tekur þú þátt

Við hvetjum aðildarfélögin til að deila þessari frétt með öllum sem vinna að því að bjóða fleiri börn velkomin í íshokkí.

Til baka