Styrkleikaröðun

Nú hefur Alþjóða íshokkísambandið (IIHF) gefið út styrkleikaröðun á hluta þeirra landa sem taka þátt í HM-mótum þeirra á nk. ári. Að sjálfsgöðu vantar enn röðunina á liðin i efstu deild þar sem keppnin þar stendur nú yfir í þessum skrifuðu orðum. En lítum nánar á það sem lesa má út úr töflunni frá IIHF. Ánægjulegu fréttirnar eru þær að íslenska liðið hækkar sig um þrjú sæti á listanum en svo ofarlega hefur liðið aldrei komist áður. Þessu er mest að þakka góður árangur liðsins í Novi Sad á nýliðnu HM-móti.

Ef við tökum út liðin í 2. deild þá lítur röðin svona út:

1.	Ástralía
2.	Rúmenía
3.	Eistland
4.	Belgía
5.	Spánn
6.	Kína
7.	Ísland
8.	Búlgaría
9.	Mexíkó
10.	Ísrael
11.	Nýja-Sjáland
12.	Tyrkland

Íslenska liðið er komið um miðja deild sem verður að teljast góður árangur hjá liði sem árið 2006 var í þriðju deild.

Þegar kemur að niðurröðun í riðla fyrir næsta HM sem haldið verður 2010 gæti hún orðið á þennan hátt:

A-riðill	B-riðill
Ástralía	Rúmenía
Belgía	Eistland
Spánn	Kína
Búlgaría	Ísland
Mexíkó	Ísrael
Tyrkland	Nýja-Sjáland

Við viljum þó taka fram að enn er þetta fyrirvörum háð en eins og staðan er í dag er þetta líklegasta niðurstaðan. Breyting á styrkleikaröðun eins liðs gæti þó breytt miklu þessu dæmi en endanlega niðurstaða ætti að vera komin um 10 maí nk.

Myndin er í eigu Péturs Maack.

HH