Leikur kvöldsins
14.02.2013
Einn leikur er á dagskrá í kvöld en þá mætast Húnar og SR Fálkar í Egilshöllinni og hefst leikurinn klukkan 19.30. Leikurinn markar upphafið að þriggja leikja törn hjá Húnum á jafnmörgum dögum.
Síðast þegar liðin mættust fóru Húnar með nokkuð öruggan sigur af hólmi því þeir unnu leikinn með tíu mörkum gegn fjórum. Í þeim leik fór miðlotan illa með SR-Fálka því þeir fengu á sig sex mörk í lotunni og þar með voru úrslitin nokkuð ráðin.
Liðslistar liðanna koma upp síðar í dag á tölfræðisíðu okkar og bein textalýsing verður frá leiknum.
HH