Leikir dagsins.
Leikir dagsins að þessu sinni eru tveir og fara þeir báðir fram á Akureyri.
Fyrri leikur dagsins er leikur Ynja og SR í kvennaflokki. Leikur þessi var fyrirhugaður 29. desember sl. en var færður til í dagskrá. Ynjur unnu um síðustu helgi góðan sigur á Birninum og ætla sjálfasagt að bæta þeim 3 stigum sem í boði eru í safnið. SR-konur hafa hinsvegar átt á brattann að sækja allt tímabilið enda liðið nýtilkomið í deildarkeppni eftir að hafa legið í dvala í fáein ár.
Síðari leikur dagsins hefst klukkan 19.30 en þá mætast Víkingar og Björninn í meistaraflokki karla. Liðin berjast nú harðri baráttu um heimaleikjaréttinn í úrslitakeppninni en Björninn hefur eins stigs forskot á Víkinga sem eiga leik til góða.
Ef allt gengur að óskum verða báðir leikirnir í netlýsingu hér á síðu ÍHÍ.
Mynd: Elvar Freyr Pálsson
HH