Ísland - Serbía 2 - 11
09.04.2005
Von manna um gott gengi gegn Serbíu-Svartfjallalandi varð fljótlega að engu eftir að leikur hófst í gær því Serbarnir mættu dýrvitlausir til leiks og gerðu út um leikinn strax í fyrstu lotu og skoruðu 6 mörk án þess að okkar menn næðu að svara fyrir sig. 2. lota leit aðeins betur út því henni lauk 3 - 2 fyrir heimamenn en staðan engu að síður 9 - 2 eftir lotuna. 3. og síðasta lotan fór 2 - 0 og lokastaðan 11 - 2.
Mörk íslenska liðsins skoruðu Jón Gíslason eftir sendingu frá Jónasi Breka og síðan bætti Rúnar Rúnarsson við öðru marki óstuddur. Birgir Örn Sveinsson spilaði allan leikinn og hafði í nógu að snúast. Strax eftir fyrstu lotu spilaði íslenska liðið á öllum fjórum línunum enda nauðsynlegt að hvíla liðið fyrir lokaátökin sem verða á morgun, sunnudag, gegn Ísrael. Ísraelska liðið spilar nú án Sergei Zak sem hingað til hefur verið einn þeirra albesti leikmaður, en það virðist ekki koma að sök því þeir hafa átt stórleiki á mótinu. Þeir gerðu jafntefli við Kóreu í fyrsta leik sínum á mótinu en hafa síðan unnið alla sína leiki og geta því tryggt sér sigurinn með jafntefli gegn okkur á morgun. Við hins vegar þurfum á sigri að halda til þess að eiga möguleika á því að halda okkur uppi. Leikurinn á morgun verður því upp á líf og dauða.
Mörk íslenska liðsins skoruðu Jón Gíslason eftir sendingu frá Jónasi Breka og síðan bætti Rúnar Rúnarsson við öðru marki óstuddur. Birgir Örn Sveinsson spilaði allan leikinn og hafði í nógu að snúast. Strax eftir fyrstu lotu spilaði íslenska liðið á öllum fjórum línunum enda nauðsynlegt að hvíla liðið fyrir lokaátökin sem verða á morgun, sunnudag, gegn Ísrael. Ísraelska liðið spilar nú án Sergei Zak sem hingað til hefur verið einn þeirra albesti leikmaður, en það virðist ekki koma að sök því þeir hafa átt stórleiki á mótinu. Þeir gerðu jafntefli við Kóreu í fyrsta leik sínum á mótinu en hafa síðan unnið alla sína leiki og geta því tryggt sér sigurinn með jafntefli gegn okkur á morgun. Við hins vegar þurfum á sigri að halda til þess að eiga möguleika á því að halda okkur uppi. Leikurinn á morgun verður því upp á líf og dauða.