Hokkímaður ársins
16.12.2010
Jón Benedikt Gíslason er fæddur árið 1983, er fyrirliði SA-Víkinga og fór fyrir sínu liði þegar það tryggði sér Íslandsmeistaratitilinn í spennandi úrslitakeppni gegn Birninum síðasta vor. Jón hefur einnig verið einn af lykilleikmönnum íslenska karlalandsliðsins síðasta áratuginn og ekki síst á heimsmeistaramótinu í vor þegar liðið tryggði sér bronsverðlaun í 2.deild sem er besti árangur Íslands frá upphafi. Jón hefur spilað hokkí frá unga aldri og hefur æft og spilað í Kanada, Finnlandi og Kína þar sem hann var atvinnumaður.
Jón hefur alla tíð lagt hart að sér við æfingar og þeir eru ófáir morgnarnir sem hann hefur mættur einn á ísinn á aukaæfingar. Jón leggur jafnframt sitt af mörkum til íþróttarinnar og uppbyggingarinnar, en hann þjálfar yngri flokka auk þess sem hann situr í stjórn íshokkídeildar Skautafélags Akureyrar.
Íshokkísamband Íslands óskar Jóni Benedikt innilega til hamingju með titilinn.
HH
Jón hefur alla tíð lagt hart að sér við æfingar og þeir eru ófáir morgnarnir sem hann hefur mættur einn á ísinn á aukaæfingar. Jón leggur jafnframt sitt af mörkum til íþróttarinnar og uppbyggingarinnar, en hann þjálfar yngri flokka auk þess sem hann situr í stjórn íshokkídeildar Skautafélags Akureyrar.
Íshokkísamband Íslands óskar Jóni Benedikt innilega til hamingju með titilinn.
HH