Björninn - SR umfjöllun
Björninn lék gegn Skautafélagi Reykjavíkur í meistaraflokki kvenna á laugardaginn. Leiknum lauk með sigri Bjarnarins sem gerði 9 mörk gegn 5 mörkum SR-inga.
Leikurinn hófst með miklum látum en strax í byrjun en það voru Bjarnarstúlkur sem komust yfir með marki frá Steinunni Erlu Sigurgeirsdóttir en stoðsendinguna átti Ingibjör Hjartardóttir. Eftir þetta kom hinsvegar góður kafli hjá SR-stúlkum og þær áttu næstu fjögur mörk. Kristín Ómarsdóttir átti tvö þeirra en hin mörkin gerðu Hrund Hermanssdóttir og Guðbjörg Grönvold. Staðan 1 – 4 eftir fyrstu lotu.
Í annarri lotu fór hinsvegar að halla undan fæti hjá gestunum en þá náðu Bjarnarstúlkur að gera 4 mörk án þess að SR-stúlkur næðu að svara fyrir sig. Steinunn Erla átti tvö þeirra en hin mörkin gerður Kristín Ingadóttir og Hrafnhildur Ýr Ólafsdóttir. Staðan því 5 – 4 eftir aðra lotu.
Í þriðju lotunni tryggðu svo Bjarnarstúlkur sér sigurinn en þær komust í 7 – 4 áður en SR-ingar náðu að minnka muninn. Ingibjörg Hjartardóttir var með tvö markanna en lokatölurnar einsog áður sagði 9 – 5 gestgjöfunum í vil.
Þó nokkuð að nýjum leikmönnum er í báðum liðum og gaman að sjá að fleiri eru að taka þátt í kvennahokkíinu.
Mörk/stoðsendingar Björninn:
Steinunn Erla Sigurgeirsdóttir 4/1
Ingibjörg G. Hjartardóttir 2/1
Kristín Ingadóttir 2/1
Hrafnhildur Ýr Ólafsdóttir 1/2
Eva Hrönn Árelíusdóttir 0/1
Refsingar Björninn: Engar
Mörk/stoðsendingar SR:
Guðbjörg Kristín Grönvold 2/1
Kristín Ómarsdóttir 2/0
Hrund Hermannsdóttir 1/0
Diljá Mjöll Hreiðarsdóttir 0/1
Refsingar SR: Engar
Mynd: Bryndís Ingibjörg Björnsdóttir
HH