UMFK Esja deildarmeistarar 2017
17.02.2017
UMFK Esja 2016/2017
Einn leikur í Hertz-deild karla fór fram í kvöld, þegar SR tók á móti UMFK Esju. Lauk leiknum með sigri Esju, 2-6.
Eftir leik steig formaður Íshokkísambands Íslands, Viðar Garðarsson, inná ísinn og tók til máls. Eins og kunnugt er þá náði Esja þeim árangri fyrir nokkrum dögum að verða deildarmeistarar í Hertz-deild karla 2016/2017 og færði Viðar fyrirliða UMFK Esju bikarinn sem hefur verið undanfarin misseri norðan heiða í höndum Skautafélags Akureyrar.
Óskum við hjá Íshokkísambandi Íslands, enn og aftur, UMFK Esju innilega til hamingju með árangurinn.