Fréttir

Þau Guðlaug Ingibjörg Þorsteinsdóttir og Óli Þór Gunnarsson hafa fengið úthlutað dómaraverkefnum á komandi tímabili hjá IIHF. Guðlaug mun fylgja Ingibjörgu Hjartardóttur á HM kvenna, 2. deild B, sem haldið verður í Istanbul, Tyrklandi, dagna 01.-08. apríl 2024. Óli Þór fékk verkefni í annari umferð undankeppni Ólympíuleikanna sem haldin verður í Belgrad, Serbíu, dagana 14. - 17.desember 2023.

Á milli-þingi IIHF, sem hladið var í Villamora í Portúgal, síðustu daga var niðurröðun dómara á mót hjá IIHF staðfest. Þau Sindri Gunnarsson, Sæmundur Þór Leifsson, Ingibjörg Hjartardóttir og Elva Hjálmarsdóttir fengu úthlutað mót sem þau koma til með að dæma á komandi misserum.

Meistaraflokkur karla hjá Skautafélagi Reykjavíkur er nú komnir til Kaunas í Litháen til að taka þátt í Continental Cup. Um er að ræða evrópukeppni félagsliða í íshokkí og hafa bæði SA Víkingar og Esja tekið þátt í þessu móti áður. Þetta er nokkuð strembið mót þar sem það eru leiknir þrír leikir á þrem dögum og engin af þeim auðveldur.

Stjórn ÍHÍ hefur ráðið Viðar Garðarsson í stöðu framkvæmdastjóra ÍHÍ og hefur hann störf 1.nóvember næstkomandi. Viðar er með meistaragráðu í viðskiptafræðum (MBA) frá Viðskipta og hagfræðideild Háskóla Íslands og hefur mjög víðtæka reynslu úr viðskiptalífinu.

Vegna bilunar í Hyrda-kerfi ÍHÍ verður ekki unnt að fylgjast með leik kvöldsins á milli Skautafélags Reykjavíkur og Skautafélags Akureyrar í Hertz-deild kvenna þar. Unnið er að lausn á þessu vandamáli með tæknimönnum IIHF til að koma þessu í samt lag.

Hefur þú brennandi áhuga á íþróttastarfi og vilt taka virkan þátt í uppbyggingu á ört vaxandi íþrótt á Íslandi og á alþjóðavísu? Hefur þú framúrskarandi skipulagshæfileika, gott vald á rekstri og einstaka hæfni í mannlegum samskiptum? Framkvæmdastjóri heyrir undir stjórn Íshokkísambands Íslands og skal sjá um öll dagleg störf sem til falla og samkvæmt ákvörðun stjórnar. Vinnutími er sveigjanlegur en ræðst af þörfum sambandsins og þeim verkefnum sem leysa þarf hverju sinni.